Yaqinda 118 yoshni qarshilagan boliviyalik onaxon dunyoning eng keksa odami hisoblanadi, deb xabar berdi Life.ru nashri.
118 yoshga kirganiga qaramay, keksa ayol o`zining ona tili hisoblanmish kechua tilida qo`shiqlar kuylaydi, kichkina gitarada musiqa chaladi. U Sakaba qishlog`ida istiqomat qiladi.
Uzoq umri davomida Juliya Flores Kolk ikkita Jahon urushi, Boliviya inqilobiga guvoh bo`lgan. Mavjud hujjatlarga ko`ra, Juliya Flores Kolk 1900 yilning 26 oktyabrida tavallud topgan. Hozirda u dunyoning eng keksa odami hisoblanadi. Shunga qaramay, Juliya Ginnesning rekordlar kitobiga kirish uchun talabnoma yubormagan. U hatto bunday kitob borligini bilmaydi ham.
