Pokiston poytaxti Islomobod shahrida rejissyor Jahongir Ahmedovning “Islomxo`ja” filmi taqdimoti o`tkazildi.
“Islomxo`ja” filmi namoyishi Islomobod shahri meriyasi (hokimligi), O`zbekistonning Islomoboddagi elchixonasi va Pokiston “milliy madaniyat kengashi” ko`magida o`tkazildi. Pokistonning etakchi telekanallarida va PTV news davlat kanalida “Islomxo`ja” premerasining tashviqot va reklamalari keng yoritildi.
Film primerasida Pokiston davlat diplomatlari, madaniyat xodimlari va O`zbekistonning Islomoboddagi elchixonasi vakillari ishtirok etdi.
“Filmda O`zbekiston buyuk tarixga ega ekanligi va “ziyorat turizm”ini rivojlantirishga asosli chuqur diniy qadriyatlarga ega ekanligini ko`rsatadi. Shu nuqtai nazardan ham “Islomxo`ja” filmi biz uchun qiziq”, deydi Pokistonning global va strategik tadqiqotlar markazi bosh mutaxassisi S.Axtar.
