Argentinalik quruvchilar Santa-Fe provinsiyasidagi San-Lorenso shahrida fundament ostidagi xandakni kavlayotganida qazilma hayvon suyagiga duch keldi. Topilma uzunligi 1,5 metrdan oshadi, deb xabar bermoqda TASS.
Olimlarning taxminlariga ko`ra, suyak u topilgan erlarda 10 ming yilcha avval yashagan yirik sut emizuvchining tegishlidir.
Tadqiqotchilar guruhi vakili Xuan Nobile bu topilma qaysi davr va qanday hayvon turiga taalluqli ekani tahlillardan so`ng aniq bo`lishini ma`lum qildi. «Suyak topilgan chuqurlik hamda dastlabki belgilarga ko`ra, u 10 ming yil avval shu erlarda yashagan mastodontlardan bo`lishi mumkin», — dedi vakil.
«Bu erda gap mashhur ‘Muzlik davri’ animasion multfilmida uchratish mumkin bo`lgan hayvonlar haqida ketmoqda», — deb ta`kidlab o`tdi Nobile.
Olimlar shu er yaqinida boshqa suyaklar ham topilishi mumkinligini ma`lum qildi.
