22 fevral kuni Qashqadaryo viloyatining Mirishkor tumanida yashovchi N.X. yuzini egnidagi kiyimi bilan berkitib, pichoq va temir quvur bilan qurollangan holda «Progress gaz servis» MChJga qarashli avtomashinalarga gaz yoqilg`isi quyish shoxobchasi operator xonasiga bostirib kirdi. Bu haqda IIV jamoatchilik va OAV bilan aloqalar boshqarmasi xabar bermoqda.
U shoxobcha operatorlari N.R. va M.S.larni temir quvur bilan urib, jarohat etkazgan.
So`ng M.S.ni pichoq bilan qo`rqitib, kassadan 505000 so`m olib, voqea joyidan yashirinayotgan paytda shu hududda tungi xizmatga jalb qilingan IIB xodimlari tomonidan ushlangan.
Holat yuzasidan jinoyat ishi qo`zg`atilib, tergov harakatlari olib borilmoqda.
