Mudofaa vazirligi tog` tayyorgarligi o`quv mashqlari markazida navbatdagi 45 kunlik o`quv-yig`in mashg`ulotlari o`tkazildi. Bu haqda Mudofaa vazirligi matbuot xizmati xabar berdi.
Yig`inning 70-80 foizi amaliy mashg`ulotlardan iborat bo`lib, o`ta murakkab mashqlar real vaziyatlarga yaqinlashtirilgan holda olib borildi.
Ob-havo injiqliklari Ugom-Chotqol tog` tizmasida o`tkazilgan amaliy mashqlarga yanayam noqulay holatlarni keltirdi. Kunduzi harorat 4-6 daraja sovuq, tungi paytlarda esa 20 gradusgacha pasaydi. Ana shunday ob-havo sharoiti, buning ustiga tizzadan oshadigan qorda harakatlanish harbiy xizmatchilarning jismoniy va ruhiy tayyorgarligini tekshirish uchun jiddiy sinovga aylandi.
Mashg`ulotlar davomida harbiy xizmatchilar chang`i va otish tayyorgarligi, tog`li hududda daryo, jarlik, qoyalar va shu kabi to`siqlardan oshib o`tishda bir qator usul va uslublardan foydalanishdi. Yig`in davomida ular tabiiy tog` to`siqlaridan o`tish mashqini bajardi.
Dengiz sathidan 2500-3000 metr balandlikdagi tog` cho`qqilarida shartli qurollangan jangarilar guruhini aniqlash va yo`q qilish mavzusida taktik o`quvlari o`tkazildi.
Ta`kidlash kerakki, ushbu mashg`ulotlar bo`linmalar o`rtasida hamkorlikni ta`minlash, harbiy xizmatchilarning o`ta murakkab vaziyatlarda yashovchanlik ko`nikmalari hamda jangovar shayligini muntazam oshirib borishga xizmat qiladi.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
