Bugun, 3 mart kuni soat 8:00dan 11:00ga qadar marafon o`tkazilishi munosabati bilan Mirobod tumanida qator ko`chalar yopiladi.
Toshkent shahar IIBBning xabariga ko`ra, marafon Mirobod tumani hokimiyati tomonidan tashkillashtirilgan bo`lib, Xalqaro xotin-qizlar kuniga bag`ishlanadi.
Marafonda 900dan oshiq ayollarning ishtirok etishi rejalashtirilmoqda. Ishtirokchilar Oybek ko`chasida joylashgan «Shox Med Center»dan boshlab Afrosiyob, Sharof Rashidov, Islom Karimov ko`chalari bo`ylab yugurib o`tishadi.
Shu sababli marafon vaqtida quyidagi ko`chalar bo`ylab transport vositalari harakati qisman cheklanadi:
Oybek ko`chasi – Nukus ko`chasidan Shahrisabz ko`chasiga qadar;
Afrosiyob ko`chasi – Shahrisabz ko`chasidan Sharof Rashidov ko`chasiga qadar;
Sharof Rashidov ko`chasi – Afrosiyob ko`chasidan Islom Karimov ko`chasiga qadar;
Islom Karimov ko`chasi – Sharof Rashidov ko`chasidan Zarafshon ko`chasiga qadar.