Bojxonachilar tomonidan giyohvandlik vositalarining noqonuniy aylanmasiga qarshi samarali kurash olib borilmoqda.
Jumladan, Buxoro viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi hamda DXX Buxoro viloyati boshqarmasi xodimlarining o`zaro hamkorligida yana bir og`ufurushning faoliyatiga yakun yasaldi.
O`tkazilgan tezkor tadbir davomida Vobkent tumanida yashovchi fuqaro T.I ning yashash xonadoni xolislar ishtirokida ko`zdan kechirildi. Natijada, uning xonadonidagi issiqxonada 11 tup kannabis parvarishlanayotganligi hamda jami 3,30 gramm “Marixuana” giyohvandlik vositalarga o`xshash moddalarni saqlab kelinayotganligi aniqlandi.
Buxoro viloyat Ekspert kriminalistika markazining
tegishli xulosasida ham ashyoviy dalil sifatida olingan moddalarning giyohvandlik moddasi ekanligi o`z tasdig`ini topdi.
Hozirda mazkur holat yuzasidan bojxona tekshiruvlari davom ettirilmoqda.
