“Men, O`zbekiston Respublikasi Milliy gvardiyasi “Temurbeklar maktabi” o`quvchilari safiga kirar ekanman, ... barcha fanlarni “a`lo” va “yaxshi” baholarga o`qishga, bilmaganimni so`rab bilishga, ... Vatan himoyachisi degan sharafli nomga loyiq bo`lishga, kelajakda buyuk sarkarda va davlat arbobi Amir Temur bobomizga munosib voris, yuqori malakali harbiy mutaxassis bo`lib, ona-Vatanga, xalqimga va Prezidentimga sidqidildan xizmat qilishga tantanali ravishda qasamyod qilaman”.
O`zbekiston Respublikasi Milliy gvardiyasi Harbiy telekommunikasiya yo`nalishidagi Toshkent akademik liseyi “Temurbeklar maktabi”ning 1-bosqich o`quvchilari mana shunday so`zlar bilan o`quvchilik qasamyodini qabul qilishdi.
Tadbirda Milliy gvardiya Markaziy apparati mas`ul ofiserlari, Milliy gvardiya “Temurbeklar maktabi”ning shaxsiy tarkibi, o`quvchilarning ota-onalari, yaqinlari ishtirok etdi.
Qasamyod har bir o`quvchida Vatanga muhabbat, burchga sadoqat, mehnatsevarlik, bilimga intilish, or-nomusni himoya qilish kabi xislatlarni shakllantiradi.
Milliy gvardiya axborot xizmati
