Mamlakatimizning Qozon shahridagi (Rossiya) Bosh konsulxonasi bergan ma`lumotlarga ko`ra 2019 yil 6 iyun kuni Penza viloyatida yuz bergan avtohalokatdan so`ng halok bo`lgan, 1983 yil 6 sentyabrda tug`ilgan O`zbekiston fuqarosi Sherali Xolnazarovich Patilloevning jasadi marhumning akasi hamrohligida 9 iyun kuni Moskvadan uchadigan aviareysda O`zbekistonga yuboriladi.
Bosh konsulxona O`zbekiston Bandlik va mehnat munosabatlari vazirligi huzuridagi Tashqi mehnat migrasiyasi masalalari agentligi vakolatxonasi bilan birgalikda konsullik-huquqiy va tashkiliy masalalarni hal qildi. Marhumning jasadini Penza viloyatidan Surxondaryo viloyatining Boysun tumanigacha olib kelish bilan bog`liq barcha xarajatlar O`zbekiston Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qo`llab-quvvatlash hamda ularning huquq va manfaatlarini himoya qilish jamg`armasi mablag`lari hisobidan qoplanadi.
Eclatib o`tamiz, Rossiyaning Penza viloyatida O`zbekiston fuqarolari ketayotgan mikroavtobus va yuk mashinasi o`rtasidagi to`qnashuv oqibatida bir kishi halok bo`ldi, yana sakkiz inson jarohatlandi.
