Bojxona xodimlari madaniy boyliklarni yurtimiz hududidan noqonuniy olib chiqilishi bilan bog`liq navbatdagi qonunbuzilish holatiga chek qo`yishdi.
Qoraqalpog`iston Respublikasi bojxona boshqarmasi “Qoraqalpog`iston” temir yo`l chegara bojxona posti xodimlari “Qoraqalpog`iston” temir yo`l stansiyasida xorijga ketayotgan yo`lovchi poezdini bojxona ko`rigidan o`tkazishdi.
Natijada, ushbu poezd yo`lovchisi fuqaro A. A tomonidan mamlakatimiz hududidan noqonuniy tarzda olib chiqilayotgan, 18 dona qadimiy tangalar to`xtatib qolindi.
Ta`kidlash lozimki, mazkur tangalarni faqat bittasi 100 yil ilgari zarb etilgan bo`lsa, qolganlarini qadimiyligi 2-2,5 asrdan oshgan. Shuningdek qadimiy tangalarning biri eski arab yozuvida va ikkinchisi esa eski xitoy yozuvida zarb qilinganligi ma`lum bo`ldi.
Hozirda mazkur holat yuzasidan bojxona tekshiruvlari davom ettirilmoqda.
