Bojxonachilar tomonidan giyohvandlik vositalarining noqonuniy aylanmasiga qarshi keskin kurash olib borilmoqda.
Xususan, Davlat bojxona qo`mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan Chinoz tumanida istiqomat qiluvchi fuqaro A.A.ning yashash xonadoni belgilangan tartibda ko`zdan kechirildi. Natijada, ushbu shaxsning yotoqxonasidagi temir idishchada 1,97 gramm marixuana giyohvandlik moddasi saqlanayotgani fosh etildi.
Shuningdek, tekshiruv jarayonida fuqaro A.A. o`z ko`rsatmasida uyi yaqinidagi qarovsiz er maydonidakannabis o`simligi o`sganini ham ma`lum qilgan. Shundan so`ng, mazkur hudud tekshirilganda, 7 m2 hududda 41 tup kannabis o`simligi etishtirilgani ma`lum bo`ldi.
Hozirda yuqoridagi holatlar yuzasidan tekshiruv ishlari olib borilmoqda.
