Kecha, 20 iyun kuni Nukus shahri markazida joylashgan “Mega Nukus” savdo-ko`ngilochar majmuasi oldida garnizonda joylashgan harbiy qism askarlari tomonidan ajoyib tomosha konserti o`tkazildi.
“Yoshlar oyligi” doirasida o`tkazilgan tadbirda bir guruh askarlarning quvnoq o`yinlari va qo`l jangi elementlari bilan chiqishlari shahar aholisi vamehmonlarining kayfiyatini ko`tardi.
Ro`zg`or yumushlari bilan savdo-ko`ngilochar majmuasiga kelganlar behosdan tomoshabinga aylanishdi.
Shimoli-g`arbiy harbiy okrugi qo`mondonligi tomonidan tashkil etilgan bayram tomoshasida garnizon Ma`naviyat va ma`rifat markazining harbiy orkestri hamda xonandalari tomonidan ijro etilgan kuy-qo`shiqlar yig`ilganlarni davraga chorladi.
