Bojxona xodimlari tomonidan tovarlar va moddiy boyliklarning bojxona chegaralari orqali noqonuniy harakatlanishini oldini olish, respublikamizning iqtisodiy manfaatlarini himoya qilish yuzasidan muntazam ravishda tezkor chora-tadbirlar olib borilmoqda.
Qoraqalpog`iston Respublikasi bojxona boshqarmasi Kontrabanda va bojxona qonunbuzilishiga qarshi kurashish bo`limi xodimlari tomonidan tezkor tadbir o`tkazildi.
Tadbirda O`zbekiston Respublikasiga kirib kelayotgan “Almata-Nukus” yo`lovchi poezdi ko`zdan kechirildi. Natijada, 10 ta holatda, xech qanday xujjatlari bo`lmagan, turli xildagi jami 228 million so`mdan ziyod sifati kafolatlanmagan noqonuniy tovarlarning aylanmasiga o`z vaqtida chek qo`yildi.
Hozirda mazkur holat bo`yicha bojxona tekshiruvlari davom ettirilmoqda.
