Bojxona xodimlari yonilg`i mahsulotlarini yurtimizga noqonuniy olib kirilishiga o`z vaqtida chek qo`yishmoqda.
Xorazm viloyati bojxona boshqarmasi “Do`stlik” chegara bojxona posti xodimlari tomonidan qo`shni davlatdan kirib kelgan fuqaro Sh.M. boshqaruvidagi “DAF” rusumli yuk avtotransport vositasi bojxona ko`rigidan o`tkazilganida, yuk avtotransport vositasi tirkamasi tagiga qo`lbola usulda o`rnatilgan qo`shimcha bakda qiymati salkam 3 million so`mlik 600 litr dizel yonilg`isi borligi aniqlandi.
Shuningdek, “Shovot” chegara bojxona posti xodimlari tomonidan fuqaro Ya.N. boshqaruvidagi “MAN” rusumli yuk avtotransport vositasi bojxona ko`rigidan o`tkazilganida, yuk avtotransport vositasi kabinasi o`ng va chap tomonidagi zaxira qutilarida, hech qanday hujjatlari bo`lmagan, olib kirishning bo`lgan 50 kilogramm motor moyini olib kelayotganligi aniqlandi.
Hozirda mazkur holatlar bo`yicha bojxona tekshiruvlari davom ettirilmoqda.
