Bojxona xodimlari yurtimizga maishiy texnika buyumlarini noqonuniy olib kirilishiga o`z vaqtida chek qo`yishmoqda.
Surxondaryo viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari tomonidan “Sariosiyo” chegara bojxona posti orqali yurtimizga kirib kelayotgan ayrim fuqarolarning “uddaburonligi” fosh etildi.
Fuqarolar O.Q., X.O`., N.T. lar qo`shni mamlakatdan belgilangan me`yorlardan ortiq bo`lgan, umumiy qiymati 10 million so`mlik maishiy texnika tovarlarini bojxona to`lovlaridan bo`yin tovlab olib o`tishga uringanliklari aniqlandi.
Yana bir holatda esa, fuqarolar U.X., R.M. va T.G.lar qiymati 9 million so`mlik televizor va muzlatkichlarni bojxona chegaralaridan noqonuniy olib o`tish chog`ida bojxonachilar tomonidan to`xtatib qolindi.
Hozirda mazkur holatlar yuzasidan bojxona tekshiruvlari davom ettirilmoqda.
