Bojxonachilar tomonidan zargarlik buyumlarini yashirincha olib o`tilishiga qarshi samarali kurash olib borilmoqda.
Davlat bojxona qo`mitasi xodimlari “Toshkent” xalqaro aeroportidan xorijga uchib ketayotgan fuqaro G.X.ning noqonuniy xatti-harakatlariga chek qo`yishdi. Bu haqda Davlat bojxona qo`mitasi axborot xizmati xabar bermoqda
Ushbu shaxs xolislar ishtirokida skaner qurilmasi yordamida bojxona nazoratidan o`tkazilganda u quyma tilla bo`laklarini o`z tanasiga berkitib olganligi aniqlandi.
Natijada, fuqaro G.X.dan yashirincha olib o`tishga urinilgan jami 434,6 grammni tashkil etuvchi 14 dona dumaloq shakldagi quyma tillalar ashyoviy dalil sifatida olindi.
Hozirda ushbu holat yuzasidan bojxona tekshiruvlari davom ettirilmoqda.