Amerika qidiruv tizimlari tomonidan Minnesota shtatida 1901 yilda cho`kkan va mahalliy aholi tomonidan “sharpa kema” nomini olgan Hudson kemasi topildi.
Kema yozda 250 metr chuqurlikdan topilgan, ammo bu haqda faqat hozir ma`lum bo`lgan. Kemani qidirishda gidrolokator ishlatilgan, keyinchalik tadqiqotchilar uni suratga olishga muvaffaq bo`lishgan. Ularning so`zlariga ko`ra, 1888 yilda qurilgan kemaga hech narsa qilmagan.
Zig`ir va bug`doy yuklagan kema 1901 yilning 15 sentyabrida Dulut portidan chiqib ketgan, shundan so`ng u kuchli bo`ronga tushib, g`oyib bo`lgan. Ertasi kuni ushbu hududda joylashgan mayoqchaning qo`riqchisi u “noma`lum” kemaning halokatini ko`rganligini aytgan, ammo halokat haqida boshqa biror dalil topilmagan.
Faqatgina 1901 yilning 20 sentyabrida mahalliy baliqchilar kemaga tegishli bir nechta qoldiqlarni, shuningdek bir nechta ekipaj a`zolarining jasadlarini topgan, ammo halokat joyi va qolgan dengizchilarning taqdiri noma`lumligicha qoldi. Bundan tashqari, keyingi o`n yilliklarda, mahalliy aholi orasida kema hali ham “sharpa kema" kabi ko`lda suzib yurgani haqida mish-mishlar tarqalgan.
