Америка қидирув тизимлари томонидан Миннесота штатида 1901 йилда чўккан ва маҳаллий аҳоли томонидан “шарпа кема” номини олган Hudson кемаси топилди.
Кема ёзда 250 метр чуқурликдан топилган, аммо бу ҳақда фақат ҳозир маълум бўлган. Кемани қидиришда гидролокатор ишлатилган, кейинчалик тадқиқотчилар уни суратга олишга муваффақ бўлишган. Уларнинг сўзларига кўра, 1888 йилда қурилган кемага ҳеч нарса қилмаган.
Зиғир ва буғдой юклаган кема 1901 йилнинг 15 сентябрида Дулут портидан чиқиб кетган, шундан сўнг у кучли бўронга тушиб, ғойиб бўлган. Эртаси куни ушбу ҳудудда жойлашган маёқчанинг қўриқчиси у “номаълум” кеманинг ҳалокатини кўрганлигини айтган, аммо ҳалокат ҳақида бошқа бирор далил топилмаган.
Фақатгина 1901 йилнинг 20 сентябрида маҳаллий балиқчилар кемага тегишли бир нечта қолдиқларни, шунингдек бир нечта экипаж аъзоларининг жасадларини топган, аммо ҳалокат жойи ва қолган денгизчиларнинг тақдири номаълумлигича қолди. Бундан ташқари, кейинги ўн йилликларда, маҳаллий аҳоли орасида кема ҳали ҳам “шарпа кема" каби кўлда сузиб юргани ҳақида миш-мишлар тарқалган.
