2019 yil 3 oktyabrda Hukumat tomonidan “Samarqand veterinariya medisinasi institutining Toshkent filialini tashkil etish to`g`risida”gi qarori qabul qilindi. Bu haqda Adliya vazirligining telegramdagi Huquqiy axborot kanalida ma`lum qilindi.
Qarorga muvofiq, Samarqand veterinariya medisinasi institutining Toshkent filiali institutning yuridik shaxs maqomiga ega bo`lgan tarkibiy bo`linmasi hisoblanadi.
Filialda quyidagi bakalavr yo`nalishlari bo`yicha kadrlar tayyorlanadi:
- Zooinjeneriya;
- Veterinariya medisinasi;
- Veterinariya-sanitariya ekspertizasi;
- Veterinariya diagnostikasi va laboratoriya ishlari.
Filialda o`quv jarayoni 2020/2021 o`quv yilidan boshlanadi va qabul qilinadigan talabalar soni respublika OTMlariga qabul qilish parametrlaridan kelib chiqib belgilanadi.
