Soliq raqobatbardoshligi xalqaro indeksi (ITCI) mamlakatlarning soliq tizimi ikki muhim jihat: raqobatbardoshlik va neytrallik talablariga qanchalik javob berishini ko`rsatib beradi. Bu jihatdan soliq stavkalari eng past mamlakat — Estoniya olti yildan beri reyting etakchiligini saqlab qolmoqda.
Ushbu reytingda soliqlar eng past mamlakatlar op-10 guruhiga Estoniyadan keyin Yangi Zelandiya, Latviya, Litva, Shveysariya, Lyuksemburg, Avstraliya, Shvesiya, Niderlandiya va Chexiya kiritilgan.
Reyting natijalariga ko`ra Fransiya eng oxirgi o`rinda qayd etildi. Undan sal tepada — Polsha, Italiya, Portugaliya va Chili.
Rossiya va MDH mamlakatlarini tahlilchilar reytingga kiritib ham o`tirishmadi.
Ma`lumot uchun: AQShda 1937 yili asos solingan «Tax Foundation» markazining ushbu indeksi so`nggi yillarda jismoniy va yuridik shaxslarga tushayotgan soliq yuklari qanchalik og`irlashib borayotganini ko`rsatadi. Indeksni tuzishda har bir mamlakatning ko`rsatkichlari besh sohada ko`rib chiqiladi: korporativ soliqlar, individual daromad soliqlari, iste`mol soliqlari, ko`chmas mulkka solinadigan soliqlar hamda xorijdan olingan daromadga solinadigan soliqlar.
Indeks (ingliz tilida) bilan ushbu ilova orqali batafsil tanishishingiz mumkin.
