Avval xabar berganimizdek, Samarqandda tashkil qilingan Evropada xavfsizlik va hamkorlik tashkilotiga a`zo mamlakatlar elchilari ishtirokida bo`lib o`tayotgan xalqaro davra stolida Komil Allamjonov nutq so`zladi. U o`z nutqida OAV erkinligi bilan bog`liq, bir qancha fikr-mulohazalarini keltirib o`tdi. Xususan, 1991-yillarni biz qurayotgan demokratik davlatning boshlanishi bo`lgani, ammo keyingi yillarda so`z erkinligi bir muncha zaiflashib borganini ta`kidladi. Ammo bugun matbuot va so`z erkinligi qaytayotganini aytib, fikrini “Rim bir kunda qurilmaganidek o`zbek matbuoti ham xaqiqiy 4-hokimiyat darajasiga etishiga hali vaqt kerak”, — deya izohlagan.