Mashhur plastik jarroh Julian De Silva yuz a`zolarining joylashuvini tahlil qilgan holda mashhur insonlar orasida eng benuqson yuz sohibasini aniqladi. Uning xulosasiga ko`ra, “ideal” chehra 23 yoshli amerikalik supermodel Bella Xadidga tegishli.
Julian De Silvaning baholash mezonlariga ko`ra, Xadid 94,35 foiz natijani qayd etib, “The Sun” tomonidan Er yuzasidagi eng go`zal ayol deb e`tirof etildi.
Undan keyingi o`rinni 92,44 foiz natija bilan qo`shiqchi Beyonse egallagan bo`lsa, “oltin uchlik”ning so`nggi pog`onasini 91,85 foiz ko`rsatkich bilan aktrisa Ember Xerd band etdi. Ta`kidlash joizki, Xerdning burni eng mukammal deb baholandi.
Ushbu reytingda kuchli o`nlikdan Ariana Grande, Teylor Svift, Keyt Moss, Skarlett Yoxansson, Natali Portman, Keti Perri va Kara Delevin kabi mashhurlar joy egalladi.