Toshkentda 6 marta sudlangan shaxs yana jinoyatga qo`l urdi. U 2018 yilda Pensiya jamg`armasi bo`limidagi inspektor ayolga: «Sizni ukamga kelin qilmoqchiman, menga uzugingizning o`lchami kerak» deb, uning 800 000 so`mlik uzugini olib ketadi.
Uning keyingi manzili tumandagi sanitariya-gigiena hamda kasb kasalliklari instituti bo`ladi. U erda ilmiy amaliyot o`tayotgan bir ayolning ham ishonchiga kiradi. Unga «Sizga uylanaman, bo`yningizdagi taqinchoqni bering, shunga o`xshashini sovg`a qilaman», deydi hamda taqinchoqni olib ketadi. Bu tafsilotlar haqida MY5 telekanalining «Markaziy studiya» ko`rsatuviga tayanib, Daryo.uz ma`lum qildi.
Erkak uchinchi qizning oldiga borib, «Sizni yaqinlarimdan biriga olib bermoqchiman, oyimga rasmingizni ko`rsatmoqchiman, telefoningizni bersangiz ko`chada turgan onamga rasmingizni ko`rsatib kelaman», deb uning 1 million so`mlik telefonini olib ketadi. U telefonni bozorga olib borib, 400 ming so`mga sotadi.
Erkak umumiy hisobda birinchi marta 800 000 so`mlik uzukni, ikkinchi marta 3 million so`mlik taqinchoqni, uchinchi marta 1 million so`mlik telefonni firibgarlik yo`li bilan o`ziniki qilib olgan.
Fuqaroga nisbatan 5 yilga ozodlikdan mahrum qilish jazosi tayinlandi. Video:
05.11.2019, 16:57
Pensiya jamg`armasiga Toshkent shahar, Mirobod tumanida yashovchi fuqaro B.B. tomonidan hech qanaqa rasman ishlamagan turmush o`rtog`i B.Fning hujjatlarni soxtalashtirib, katta miqdordagi pensiya olib kelayotganligi haqidagi...
