O`zini Sirdaryoga tashlamoqchi bo`lgan qiz “qutqarib qolinmagan”

Jamiyat 01.11.2019, 13:46
Teglar: Sirdaryo, Xalq ta`limi vazirligi, Milliy gvardiya
O`zini Sirdaryoga tashlamoqchi bo`lgan qiz “qutqarib qolinmagan”

Qizning niyati  o`zini suvga tashlash bo`lmagan.

Ijtimoiy tarmoqlarda "O`zini Sirdaryoga tashlamoqchi bo`lgan qiz qutqarib qolindi"  sarlavhasi ostida yoritilgan xabar To`raqo`rg`on tuman  xalq ta`limi bo`limi tomonidan batafsil o`rganib chiqildi, deya xabar beradi Namangan viloyat xalq ta`limi boshqarmasi Axborot xizmati. 

Aniqlanishicha,  xabarda bayon etilganidek To`raqo`rg`on tumanidagi umumta`lim maktabida o`quvchi qiz Mingbuloq tumanida yashovchi otasini ko`rgani ketayotib, Sirdaryo ko`prigi ustida to`xtagan, ammo uning niyati  suvga tashlash bo`lmagan. 

Sirdaryo ko`prigida xizmat faoliyatini olib borayotgan Milliy gvardiyaning viloyat Qo`riqlash boshqarmasi xodimlari undan so`rashganida ham shu haqda aytgan.

Shunga qaramay milliy gvardiya xodimlari uni dastlab ichki ishlar bo`limiga olib kelib, keyin u o`qiydigan  umumiy o`rta ta`lim maktabiga kelib, maktab direktori va o`qituvchilar jamoasi bilan ushbu masalada yig`ilish o`tkazishgan. Yig`ilishda pedagog hodimlarga o`quvchilar tomonidan o`z joniga qasd qilish holatlarini oldini olish bo`yicha tushunchalar berilgan. 

Shuningdek, o`quv yili davomida maktab psixologlari tomonidan  suisidga moyillikni aniqlovchi testlar olinganda, test natijalariga ko`ra bu o`quvchida ham suisidga moyillik kuzatilmagan. 

Ushbu holat yuzasidan u bilan suhbatlashilganda ham o`z joniga qasd qilish niyati yo`qligini ta`kidlagan. 

Holat yuzasidan aytish mumkinki, o`quvchining maqsadi faqat otasining uyiga borib-kelish bo`lgan xolos. 

Umumta`lim muassasalarida psixologlar, ma`naviyatchilar, huquqni muhofaza qilish organlari xodimlari va keng jamoatchilik ishtirokida o`quvchilar o`rtasida ma`naviy-ma`rifiy ishlar, ularda psixologik immunitetni kuchaytirish, ruhiy tushkunlik kelib chiqishining oldini olishga qaratilgan tarbiyaviy ishlar, ota-onalar va yaqinlari ishtirokidagi muloqotlar, oila - mahalla - ta`lim muassasasi hamkorligi borasidagi faoliyat doimiy va izchil yo`lga qo`yilgan bo`lib, bu boradagi ishlar yanada keng qamrov bilan olib borilmoqda. 

Sharhlar

Sirdaryo daryosida 11 kishi cho`kib ketdi, 6 nafar jasad olib chiqildi (video)

22.08.2023, 12:38

Qozog`istonning Turkiston viloyatidan o`tgan Sirdaryo daryosida 11 kishi suzish uchun belgilanmagan joyda cho`milish chog`ida cho`kib ketdi, deb xabar berdi "Kazinform" Favqulodda vaziyatlar vazirligi matbuot xizmatiga...
Sirdaryoda "Lacetti" va "Nexia-2" ishtirokidagi YTHda 4 kishi halok bo`ldi (video)

07.09.2022, 12:25

Sirdaryo viloyatining Mirzaobod tumanida sodir bo`lgan YTHda to`rt kishi halok bo`ldi. Bu haqda viloyat IIB axborot xizmati xabar berdi.Ma`lum qilinishicha, joriy yil 3 sentyabr kuni...
Sirdaryodagi xonadonda 14 yoshli qiz o`ldirib ketildi

23.08.2022, 09:26

Sirdaryoda qotillik jinoyati sodir etildi. Bu haqda “darakchi.uz”ga Bosh prokuratura matbuot xizmati rahbari Hayot Shamsutdinov xabar qildi. Ma`lum qilinigicha, 20 avgust kuni soat 04.00larda noma`lum shaxs...
Darslar “onlayn” shaklda o`tilsa ham ish haqi to`lanadi — XTV

22.01.2022, 20:55

Ta`lim jarayoni “onlayn” shaklda amalga oshiriladigan davrda umumta`lim muassasalari va “Barkamol avlod” maktablari pedagog va boshqa xodimlariga, shu jumladan mehnatiga soatbay haq to`lash asosida faoliyat...
Ob-havo: Toshkent
Valyuta kursi
1