30 oktyabr kuni Olmazor tumani Qoraqamish ko`chasida Toshkent shahar IIBB YHXB YPX xodimi Milliy gvardiya harbiy xizmatchisi bilan birgalikda xizmat vazifasini o`tash chog`ida shubha uyg`otgan Spark avtomobilini to`xtatgan va uni tekshiruvdan o`tkazgan. Bu haqda Toshkent shahar IIBB matbuot xizmati xabar berdi.
Aniqlanishicha, avtomobil egasi Toshkent viloyatida istiqomat qiluvchi 24 yoshli Ixtiyor ismli yigit bo`lib chiqqan.
Ikki guvoh ishtirokida avtomobil tekshiruvdan o`tkazilgan. Tekshiruv vaqtida o`rindiqlar orasidan boshqa avtomobilga tegishli, ro`yxatdan o`tkazilgan, biroq tegishli hujjatlarsiz davlat raqamlari, shuningdek, bir nechta pichoq va mobil telefonlar topilgan.
Vaziyatni aniqlash uchun Ixtiyor va avtomobil ichida bo`lgan yo`lovchilar Olmazor tumani IIO FMBga olib borilgan.
