Hali o`n sakkizga ham kirib ulgurmagan kollej o`quvchisi Zokir hammaning ham hayoliga kelmagan “ajoyib reja“ tuzadi. U Rossiya Federasiyasida bo`lgan tanishiga avtomashinalar eshigini ochish uchun universal pult “buyurtma“ beradi.
Buyurtmasi etib kelgach, o`ziga Anvarni sherik qilib, shifoxona oldida qarovsiz qoldirilgan Ahmad ismli shaxsga tegishli “Nexia” rusumli avtomashinani o`zidagi universal pult orqali ochib, salondan videoregistrator va ichida puli va qimmatbaho buyumlari bo`lgan erkaklar sumkasi, fuqarolik pasportini qo`lga kiritadi.
Pul va qimmatbaho buyumlarni o`zlarida olib qolib, Ahmadning fuqarolik pasportini yo`l chetiga tashlab yuboradi.
Shundan so`ng, Zokir dastlabki rejasi oson amalga oshganidan suyunib, bu safar bir o`zi “ov“ ga chiqadi. Uning keyingi “o`lja“ si oshxona oldida qarovsiz qoldirilgan Shokir ismli fuqaroga tegishli “Matiz” rusumli avtomashina bo`ladi. Ushbu avtomashinani ham universal pulti orqali ochib, avtomashina salonida bo`lgan Shokirga tegishli 17.000.000 so`m pul mablag`larini qo`lga kiritib, ushbu pullarni ham ehtiyojlari yo`lida sarflab yuboradi.
Zokirdagi universal pult faqatgina “Magicar” rusumli avtomashina qulflarini ochishga ixtisoslashtirilgan bo`lganligi uchun, bundan qanoat qilmagan Zokir undanda yaxshiroq, chet el avtomashinalarini ham ochishga yaraydigan pult qidirib, Rossiya Federasiyasidagi tanishiga “buyurtma“ berishga ham ulguradi.
Qo`qon shahar IIO FMB xodimlari tomonidan olib borilgan tezkor qidiruv harakatlari natijasida Zokirning jinoiy harakatlariga chek qo`yildi.
Jinoyatchi ashyoviy dalillar bilan qo`lga olindi.
Jinoyat ishlari bo`yicha Qo`qon shahar sudi tomonidan voyaga etmagan Zokir va Anvarlarga nisbatan jinoyat ishi ko`rib chiqildi.
Ma`lum qilinishicha, Sud sudlanuvchi Zokirning voyaga etmaganligini, muqaddam sudlanmaganligini, qilmishidan chin ko`ngildan pushaymonligini, jabrlanuvchilarga etkazilgan zarar to`liq qoplanganligini inobatga olib shartli hukm qilishni lozim topdi.
06.05.2022, 09:26
2022 yilning yanvar-mart oylarida O`zbekistonda 68 905 dona engil avtomobillar ishlab chiqarilgan. Davlat statistika qo`mitasi ma`lumotlariga ko`ra, ishlab chiqarish hajmi 2021 yilning mos davri bilan...
24.07.2021, 18:57
Farg`ona viloyati IIB Axborot xizmati bu haqda xabar qildi. Ma`lum bo`lishicha, 2019 yilning noyabr oyida fuqaro G`.R. E.A.ning ishonchiga kirib, avtomashina olib berishini vada qiladi. 3.500 AQSh dollarini...
29.10.2020, 15:45
Mashinada baland ovozda musiqa eshitib ketayotgan haydovchiga jarima belgilash haqidagi qonun loyihasi ko`rib chiqilmoqda deya yozmoqda effect.uzPolkovnik Erali Bozorovga ko`ra, bunday loyiha ishlab chiqishga fuqarolarning...
15.11.2019, 12:00
Bugun, 15 noyabr kuni tongida “Qamchiq” dovonining “Vodiy-Toshkent” yo`nalishida harakatlangan yuk mashinasi A-373 “Toshkent-O`sh” avtomobil yo`lining 227 km.da boshqaruvni yo`qotib, yo`l chetidagi handaqqa (kyuvetga) tushib...
