O`zbekistonning Qozog`iston Respublikasidagi elchixonasi fuqaroligini yo`qotish arafasida turgan o`zbekistonliklar ro`yxatini chop etdi, deya xabar berilmoqda.
“105-ro`yxat” deb nomlangan jadvalda 1210 nafar kishining ismi sharifi kiritilgan. Ushbu shaxslarga nisbatan fuqaroligini yo`qotish masalasi ko`rib chiqilmoqda”, deyilgan rasmiy xabarda.
Xabarda aytilishiga ko`ra yuqoridagi fuqarolar mamlakatdan chiqib ketganidan so`ng bir necha yil davomida O`zbekistonning xorijdagi vakolatxonalarida konsullik ro`yxatidan o`tmagan. Shu bois ular fuqarolikdan mahrum bo`lishlari mumkin.
Eslatib o`tamiz, "O`zbekiston fuqaroligi haqida"gi qonunga ko`ra, fuqarolikini yo`qotish uchun beshta asos bo`lishi mumkin:
• O`zbekiston fuqarosi o`zga davlat xizmatiga kirsa;
• doimiy chet davlatda yashayotgan shaxs, uch yil mobaynida, asossiz konsullik hisobida turmasa;
• O`zbekiston fuqaroligi yolg`on ma`lumotlar yoki hujjatlar berish natijasida olingan bo`lsa;
• fuqaro o`zga mamlakat foydasiga ishlab o`z mamlakatiga katta ziyon etkizsa;
• o`zga mamlakat fuqaroligini qabul qilsa.
To`liq ro`yxat bilan ushbu manzilda tanishishingiz mumkin.
