Bojxona va DXX viloyat boshqarmalari, viloyat va Vobkent tumani IIB xodimlari tomonidan hamkorlikda o`tkazilgan tadbir davomida Vobkent tumanida yashovchi 55 yoshli I.Q.ning yashash uyi ko`zdan kechirilgan. Uning yordamchi va yashash xonalarida jami 186 dona “Spichki” yozuvli gugurt qutilarga alohida-alohida qadoqlangan holda hamda 3 dona selofan paketlarga va 1 dona mato o`ramiga joylashtirilgan jami 3.618,43 gr.ga teng bo`lgan ko`p miqdordagi “marixuanna” giyohvandlik vositasini kelgusida o`tkazish maqsadini ko`zlab saqlab kelayotganligi aniqlangan.
Shuningdek, uning uyini ko`zdan kechirish davomida hovlida mavjud ekin erida ekilgan anor butalari orasida 32 tup ta`qiqlangan “kannabis” giyohvandlik vositalarini qonunga xilof ravishda ekib, etishtirib kelayotganligi aniqlangan.
Mazkur holat yuzasidan O`zbekiston Respublikasi JKning 273-moddasi 5-qismi va 270-moddasi 1-qismi bilan jinoyat ishi qo`zg`atilib, qamoqqa olish tarzidagi ehtiyot chorasi qo`llanilgan.