Andijon viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari tomonidan o`tkazilgan tezkor tadbir davomida yana bir “pirotexnika operasiyasi” fosh etildi.
Tezkor tadbir davomida fuqaro T.I. boshqaruvidagi “Nexia” rusumli avtotransport vositasi kuzatuvga olindi hamda Bo`z tumani hududida to`xtatildi.
Fuqaro T.I. tumanning A.Ikromov ko`chasida shartli xaridorga qiymati 10 million so`mlik 57600 dona pirotexnika vositalarini sotayotgan vaqtida ashyoviy dalillar bilan qo`lga olindi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
Andijon viloyat bojxona boshqarmasi axborot xizmati
