Bir guruh jurnalistlar Evropada xavfsizlik va hamkorlik tashkiloti (EXHT) va O`zbekiston Jurnalistlarni qayta tayyorlash markazi hamkorligida tashkil qilingan Germaniya (Myunxen) safarida bo`ldi...
Ular orasida joriy yil jurnalistika sohasida “Oltin qalam” XIV Milliy mukofoti xalqaro tanlovida “Darakchi” gazetasida chop etilgan sud-huquq yo`nalishidagi maqolalari bilan ishtirok etib, ikkita xalqaro nominasiya – “Mintaqaviy muloqot” xalqaro nodavlat tashkiloti (Sloveniya)
hamda Evropada xavfsizlik va hamkorlik tashkiloti (EXHT)
e`lon qilgan nominasiyasida g`oliblikni qo`lga kiritgan “Darakchi” gazetasining jurnalisti Sadoqat ALLABERGANOVA ham bor. Evropada xavfsizlik va hamkorlik tashkiloti “Darakchi” gazetasining jurnalisti Sadoqat Allaberganovaga chet elda malaka oshirish imtiyozini berdi.
Jurnalistlar malaka oshirish safarida Myunxendagi eng nufuzli tashkilotlarning etakchilari bilan tajriba almashishidi. Quyida O`zbekiston Jurnalistlarni qayta tayyorlash markazi rahbari Gulnora BOBOJONOVA boshchiligidagi delegasiyasi tashrif buyurgan tashkilotlar ro`yhati bilan tanishishingiz mumkin:
1. Germaniyaning Bavariya Junalistlar uyushmasi (Bayerischer Journalisten – Verband);
2. Bavariya polisiya akademiyasi (Polizeiprasidium Munchen);
3. Bavariya radiosi (BR Bayerischer Rundfuk);
4. Myunxenda o`zbeklar diasporasini tashkil qilgan janob Gerxard Birkl (Gerhard Birkl) bilan uchrashuv;
5. “Suddeutsche Zeitung” gazetasi tahririyatiga tashrif;
6. Bavariya televidenie akademiyasi (BAF Bayerische Akademie fur Fernsehen e.V.).
Germaniyaning Bavariya Junalistlar uyushmasi (Bayerischer Journalisten – Verband), Bavariya polisiya akademiyasi (Polizeiprasidium Munchen), Bavariya radiosi (BR Bayerischer Rundfuk), Myunxenda o`zbeklar diasporasini tashkil qilgan janob Gerxard Birk bilan bo`lgan uchrashuvlarda Myunxenda istiqomat qiladigan yurtdoshimiz, mutaxassis Habiba HAMDAMOVA delegasiyaga hamrohlik qildi.
Har bir tashkilotga qilingan tashrif yutuq va kamchiliklarni tahlil qilishga bir zamin bo`lgan bo`lsa ajabmas. Yuqorida qayd etilgan nufuzli tashkilotlardagi uchrashuvlarga alohida-alohida to`xtalib o`tiladi. Demak, bizni kuzatishda davom eting...
