Pirotexnika vositalarini yashirincha olib kirishga bo`lgan urinishlar qo`lga olindi. Bu haqida Davlat bojxona qo`mitasi "Darakchi"ga xabar berdi...
Samarqand viloyat bojxona boshqarmasi xodimlari tomonidan Samarqand shahrida o`tkazilgan tezkor tadbir davomida fuqaro S.P.ning qo`lidagi selofan paket xolislar ishtirokida ko`zdan kechirildi.
Natijada, ushbu shaxsning yonida 3000 dona pirotexnika vositalari borligi aniqlandi. Hozirda ushbu holat yuzasidan bojxona organlari tomonidan surishtiruv harakatlari olib borilmoqda.
Eslatib o`tamiz, O`zbekiston Respublikasi Ma`muriy javobgarlik to`g`risidagi kodeksining 1851-moddasida hamda Jinoyat kodeksining 2501-moddasida pirotexnika buyumlarining qonunga xilof muomalasi uchun javobgarlik va jazo choralari belgilangan.
Yodingizda tuting, pirotexnika buyumlarini qonunga xilof ravishda ishlab chiqarish, mamlakatimizga olib kirish, tashish, saqlash va sotish taqiqlangan.
