Saudiya Arabistoni Haj va Umra vazirligi Makkaga ibodat qilish uchun kelgan musulmonlarning hikoyalarini aks ettiruvchi «Mashair» ko`rsatuvining birinchi mavsumini suratga olish ishlarini boshladi. Bu haqda arabnews.comga tayanib xabar qilindi.
Vazirlik media-markazining bosh nazoratchisi Ayman bin Muhammad Al-Arfajning so`zlariga ko`ra, «Mashair» Saudiya Arabistoni va uning fuqarolarining Alloh mehmonlariga xizmat qilishdagi sa`y-harakatlarini yoritishni maqsad qilgan. Uning qo`shimcha qilishicha, «Mashair»-bu vazirlikning ziyoratchilar va tashrif buyuruvchilarga ko`rsatiladigan xizmatlar sifatini yaxshilash borasidagi sa`y-harakatlarining ifodasidir.
Vazirlik o`zining Tvitterdagi rasmiy sahifasida dasturning birinchi epizodlarini namoyish qilishni boshlagan. Unda bu yil birinchi marta Umra qilish orzusini amalga oshirgan Jazoirlik ayol Sarxuda Stiti haqida so`z boradi.
