Saudiya Arabistonining Haj va Umra vaziri doktor Muhammad Solih bin Tahir Benten Turkiya, Iordaniya va Indoneziya vakillari bilan 2020 yilgi Haj mavsumi bo`yicha bitimlar imzoladi. Shuningdek, tomonlar ziyoratchilarga ko`rsatiladigan xizmat va sharoitlarni ham muhokama qilishgan. Bu haqida Arabnews sayti xabar bermoqda.
Benten o`z bayonotida barcha Saudiyaliklar ibodat uchun kelgan musulmonlarga xizmat qilishdan g`ururlanishlarini va ularning sa`y-harakatlari qirol Salmon va valiahd shahzoda Muhammad bin Salmonning ko`rsatmalari asosida olib borilayotganini ta`kidladi.
