Саудия Арабистонининг Ҳаж ва Умра вазири доктор Муҳаммад Солиҳ бин Таҳир Бентен Туркия, Иордания ва Индонезия вакиллари билан 2020 йилги Ҳаж мавсуми бўйича битимлар имзолади. Шунингдек, томонлар зиёратчиларга кўрсатиладиган хизмат ва шароитларни ҳам муҳокама қилишган. Бу ҳақида Arabnews сайти хабар бермоқда.
Бентен ўз баёнотида барча Саудияликлар ибодат учун келган мусулмонларга хизмат қилишдан ғурурланишларини ва уларнинг саъй-ҳаракатлари қирол Салмон ва валиаҳд шаҳзода Муҳаммад бин Салмоннинг кўрсатмалари асосида олиб борилаётганини таъкидлади.
