Toshkent viloyati Parkent tumanida qalbaki kupyuralarni ishlab chiqarayotgan yashirin sex faoliyati fosh etildi. Bu haqda “darakchi.uz”ga Bosh prokuratura Matbuot xizmati ma`lum qildi.
Bosh prokuratura huzuridagi Departamentning Parkent tuman bo`limi tomonidan olingan tezkor ma`lumotlarga asosan DXX va IIB xodimlari bilan hamkorlikda tezkor tadbir o`tkazildi. Unda fuqarolar N.N. va P.Y. oldindan til biriktirib, vaqtincha yashab kelayotgan Parkent tumani, Xisarak qishlog`idagi xonadonida rangli printer yordamida 50 000 va 100 000 so`mlik qalbaki kupyuralarni tayyorlab kelayotganliklari aniqlangan.
Tadbir yakunida, ushbu xonadondan 116 dona 50000 va 34 dona
100000 so`mlik qalbaki kupyuralar, 94 dona 50000 va 100000 so`mlik kupyuralarning tasviri tushirilgan A-4 hajmli qog`ozlar hamda ularni ishlab chiqarishda foydalanilgan “EPSON” rusumli rangli printer, bo`yoqlar va boshqa mahsulotlar ashyoviy dalil sifatida olingan.
Mazkur holat yuzasidan N.N. va P.Y.larga nisbatan Jinoyat kodeksining tegishli moddasi bilan jinoyat ishi qo`zg`atilib, tergov harakatlari o`tkazilmoqda.
22.11.2022, 10:46
Ijtimoiy tarmoqlarda “Parkentda qizlar janjallashdi” izohi bilan video tarqalmoqda.Mazkur holat tuman IIB xodimlari tomonidan o`rganildi, deya xabar bermoqda Toshkent viloyati IIBB matbuot xizmati. Ma`lum bo`lishicha, videodagi voqea,...