Majburiy ijro byurosi Piskent tuman bo`limi tomonidan O`rtachirchiq tumanlararo iqtisodiy sudining Sud buyrug`iga asosan Piskent tuman soliq inspeksiyasi foydasiga qarzdor “Piskent Paxta tozalash” AJdan soliqlar va boshqa majburiy to`lovlar bo`yicha 832 mln. 172 ming so`m soliq qarzi undiruvi yuzasidan ijro hujjati bo`yicha majburiy ijro harakatlari olib borildi.
Mazkur ijro harakatlari davomida qarzdor korxonaning banklardagi barcha hisob raqamlari xatlanib, ularga band solingan.
Tegishli tashkilot, muassa va korxonalarga so`rovnomalar yuborilib, ushbu jamiyatning mulkiy ahvoli o`rganilgan.
Natijada, “Piskent Paxta tozalash” AJ hisobidan 832 mln. 172 ming so`m miqdoridagi pul mablag`lari Piskent tuman soliq inspeksiyasi foydasiga undirib berildi.
