50dan ziyod boshpanasiz ayollarga zamonaviy uylar berildi

Bugun Qarshi shahrida bo`lib o`tgan tadbirda yuqoridagi fikr amalda yana bir bor o`z isbotini topdi. Uzoq vaqt boshpanasizlikdan qiynalgan 50 nafardan ziyod xotin-qiz, nogironligi bor kishilarga Qarshi mahallasida yaqinda qurib bitkazilgan arzonlashtirilgan ko`p qavatli uylardan yangi xonadonlar kalitlari tantanali topshirildi.

Shu munosabat bilan tashkil etilgan marosimda so`z olganlar ayni jabhada Prezidentimiz yuritayotgan siyosat mohiyati va hozirgi kundagi amaliy natijasi haqida fikr bildirishdi.

Mehmonlar, jumladan, keng jamoatchilik vakillari guvohligida uyga egalikni tasdiqlovchi sertifikat va yangi xonadon kalitlari o`z egalariga berildi.

Dilorom Shodieva 2-guruh nogironi bo`lishi bilan birga farzandini yolg`iz o`zi tarbiya qilmoqda. Uyi yo`qligi sabab ko`p vaqt ijarada yashashga majbur bo`lgan. O`tgan kunlaridan yaxshi xotira qolmagan har holda. Bugun u ham shinam va barcha qulayliklarga ega xonadonlardan birining sohibasiga aylandi.

Tadbir asnosida mehmonlar ko`p qavatli uyda yaratilgan sharoitlar bilan tanishishdi. Yangi xonadon sohiblarini qutlashib, bu uylarda eng yaxshi damlarni o`tkazishiga tilakdosh bo`lishdi.

Estrada xonandalari ijrosidagi konsert dasturi marosimga yanada shukuh qo`shdi.

Qayd etish joiz, 50 nafardan ziyod xotin-qizga topshirilgan mazkur xonadonlar umumiy qiymatining 10 foizi davlatimiz tomonidan to`lab berildi.