Bugun, 13 dekabr kuni “Telegram” tarmog`ining “Muxbir Daliev" kanalida MIBning Andijon viloyat boshqarmasi elektr energiyasi uchun to`lov qilmasdan iste`mol qilayotgani haqida xabar paydo bo`ldi.
Mazkur holat Bosh prokuratura huzuridagi Majburiy ijro byuro tomonidan tezkor o`rganilib, munosabat "darakchi.uz"ga taqdim etildi.
Aniqlanishicha, “Yagona buyurtmachi xizmati” injiniring kompaniyasi bilan “Evrostar premium” MChJ o`rtasida 2018 yil 24 may kuni Andijon shahridagi Majburiy ijro byurosi viloyat boshqarmasi va shahar bo`limi binosi qurilishini bajarish haqida 234-sonli pudrat shartnomasi tuzilgan.
Shuningdek, Byuroning Andijon viloyat boshqarmasining eski (Boburshoh ko`chasi, 126-uy) binosi ta`mirtalab bo`lganligi sababli, joriy yilning 10 sentyabr kuni “Evrostar premium” MChJ qurilish korxonasi tomonidan qurilishi tugatilgan yangi binoning foydalanishi mumkin bo`lgan joylarida xodimlarning ish faoliyatini olib borishiga ruxsat berilgan.
Biroq, pudratchi tomonidan qurilish ishlari to`liq yakuniga etkazilmaganligi sababli bino davlat topshirish-qabul qilish hay`ati dalolatnomasi asosida topshirilmagan.
Hozirda, binoning elektr energiyasidan foydalanishi va to`lovlarning amalga oshirilishi - O`zbekiston Respublikasi Vazirlar Mahkamasining 12.01.2018 yildagi “Elektr energiyasi va tabiiy gazdan foydalanish tartibini takomillashtirishga doir qo`shimcha chora-tadbirlar to`g`risida”gi 22-sonli qarorining 65-bandiga asosan, elektr tarmoqlari korxonasi bilan iste`molchi sifatida pudratchi “Evrostar premium” MChJ o`rtasida 05.01.2019 yilda tuzilgan 311908-sonli shartnomaga asosan amalga oshirilmoqda.
Shartnomaga ko`ra elektr energiyasini hisobga olish uchun “Evrostar premium” MChJga DTS-541 rusumli, davlat raqami 909784 bo`lgan elektr hisoblagich o`rnatilib, shu asosida iste`mol qilingan elektr energiya uchun hisob-kitob qilinmoqda.
(Bunga oid pudratchi “Evrostar premium” MChJ bilan Byuroning viloyat boshqarmasi o`rtasida iste`mol qilingan elektr energiyasi uchun to`lovlarni kelgusida qoplab berilishi ko`zda tutilgan qo`shimcha kelishuv mavjud.)
Qurilish korxonasi oxirgi marta 05.12.2019 yilda 4 670 749 so`m va 2 mln. 415 ming so`m, jami 7 mln. 86 ming so`m miqdorda to`lov amalga oshirgan va hozirda qarzdorligi mavjud emas.
Qurilish korxonasi tomonidan qurilish ishlari yakuniga etkazilib, bino yakuniy topshirish-qabul qilish hay`ati dalolatnomasi asosida Majburiy ijro byurosiga topshirilganidan so`ng, Byuroning Andijon viloyat boshqarmasi elektr energiyadan foydalanish bo`yicha belgilangan tartibda shartnoma tuzilib, iste`molchi sifatida ro`yxatga olinadi va foydalanilgan elektr energiyasi uchun o`rnatilgan hisoblagichlar asosida hisob-kitoblarni amalga oshiriladi.
Bundan tashqari, Byuroning Andijon viloyat boshqarmasi binosiga ehtiyoj yo`qligi sababli, tabiiy gaz tarmog`i o`rnatilmagan.
Byuroning Andijon viloyat boshqarmasi tomonidan ushbu xabarni o`rganish vaqtida, “Evrostar premium” MChJ qurilish korxonasi vakili Komiljon Yuldashev Majburiy ijro byurosi viloyat boshqarmasi va shahar bo`limi binolarining qurilish ishlari to`liq yakuniga etmaganligini, iste`molchi sifatida “Evrostar premium” MChJ ta`minotchi korxona bilan tuzgan shartnomasiga binoan elektr energiyasi sarfi uchun to`lovlarni muntazam amalga oshirib borayotganligini, bino qurilish ishlari yakuniga etkazilgach, yakuniy topshirish-qabul qilish hay`ati dalolatnomasi asosida Majburiy ijro byurosiga topshirilishini bildirgan.
O`rganishda, Andijon shahar elektr ta`minoti korxonasi muovini O.Nazarov “Evrostar premium” MChJ tomonidan elektr energiyasi iste`moli qonun talablari asosida amalga oshirilayotgani va elektr energiyasini uzatishda qonunbuzilish holatlariga yo`l qo`yilmaganini bildirdi.
Shuningdek, “Andijon hududiy elektr tarmoqlari korxonasi” AJ mutaxassislari tomonidan elektr energiyasidan foydalanish qoidalariga rioya qilish ahvoli o`rganilganida qoidabuzarlik holatlari aniqlanmagan.
01.05.2024, 15:06
Andijon, Marhamat va Buloqboshi tumaniga yangi hokim tayinlandi. Bu haqda tuman hokimligi matbuot xizmati xabar berdi. Andijon tumaniga yangi hokim tayinlandi.Yo`ldoshev Boburbek Bahodirovich - Andijon tumani...
10.08.2023, 20:43
Ijtimoiy tarmoqda “Asaka tumanida YHXB xodimi tomonidan 2 nafar shaxsga nisbatan yo`l transport hodisasi sodir etilsada, jazo muqarrarligi ta`minlanmaganligi haqida xabar joylashtirildi. Xabarga ko`ra, Asakada...
01.02.2023, 09:59
Prezident Shavkat Mirziyoev hududlar iqtisodiyoti, aholi hayoti bilan yaqindan tanishish maqsadida Andijon viloyatiga jo`nab ketdi. Bu haqda Prezident matbuot xizmati xabar bermoqda.Ma`lum qilinishicha, tashrif davomida...
21.12.2022, 09:11
Ijtimoiy tarmoqlarda Andijon viloyati Paxtaobod tumanida qizlar o`rtasida janjal yuz bergani aks etgan videoxabar tarqaldi. Holat yuzasidan viloyat IIB matbuot xizmati ma`lumot taqdim etdi.Ma`lum qilinishicha, 7...
