Sifati kafolatlanmagan dori vositalarining yashirincha olib kirilishiga qarshi bojxona organlari tomonidan keskin kurash olib borilmoqda.
Andijon viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari tomonidan olingan tezkor ma`lumot asosida “Xo`jaobod-Namangan” yo`nalishi bo`ylab harakatlanib ketayotgan fuqaro X.O boshqaruvidagi“Nexia” rusumli avtomashina to`xtatilib ko`zdan kechirilganida, avtotransport vositasi saloni hamda yukxonasida hech qanday hujjatlari bo`lmagan qiymati 56 298 000 so`mlik xorijda ishlab chiqarilgan 188 000 dona sifat sertifikatiga ega bo`lmagan kapsula ko`rinishidagi dori vositasi hamda 6442 dona boshqa buyumlar borligi aniqlandi.
Mazkur holat yuzasidan Andijon viloyat bojxona boshqarmasi tomonidan surishtiruv ishlari olib borilmoqda.