Dushanba kuni Rossiya o`zining internet xizmatlari mamlakat xalqaro internet tarmog`idan uzilib qolganda xam ishlay olishini tekshiruvchi bir qator sinovlarni yakunladi. Bu haqda Aloqa vazirining o`rinbosari Aleksey Sokolov xabar bergan. Noyabr oyida Rossiya AQSh milliy kiberxavfsizlik strategiyasiga javoban «suveren internet» to`g`risida qonun qabul qilgandi.
Ushbu qonunga ko`ra, davlat idoralari va xavfsizlik xizmatlari, shuningdek, barcha aloqa operatorlari, messenjerlar va elektron pochta provayderlari internet foydalanuvchilariga ta`sir qilmaydigan bu testlarda ishtirok etishlari kerak.
«Bizning maqsadimiz Rossiya hududida har qanday sharoitda uzluksiz internet xizmatini taqdim etishdan iborat. Tekshiruv natijalari shuni ko`rsatdiki, davlat idoralari va aloqa operatorlari ehtimoliy tahdidlarga samarali javob berishga xamda internet va aloqaning samarali faoliyatini ta`minlashga tayyor», dedi Sokolov brifingda.
