Bloger jurnalist va bloger Xurshid Dalievni O`zbekistonda taqiqlangan terroristik guruh a`zosi deya tuxmat qilgan Andijon shahar hokimligi matbuot xizmati rahbari Gulshanoy Qoshqarovaga nisbatan ma`muriy ish qo`zg`atilgani haqida xabar berar ekan Matbuot xizmatlariga jurnalist va blogerlarga nisbatan urush ochmaslikni qattiq tavsiya qildi.
- Bu o`taketgan noprofessionallik. Matbuot xizmatlari tashkilotlar rahbarlarining piyoda askarlari, shaxsiy kamikadzelari emas. Ular matbuot xizmati. Qo`ldan kelgancha OAVlar bilan ijobiy munosabatlar o`rnatib, axborot maydonidagi negativlarga qarshi kurashishning ancha odamiy, ta`sirchan va professional yo`llarini tanlagani maqul.
Ushbu voqeaga AOKA e`tibor qaratishi lozim. Bunday qarashdagi matbuot kotiblari aksariyatni tashkil etadi. Eskicha va tuturug`siz uslubda ish yuritayotgan matbuot xizmatlarini aniqlab, ularning faoliyati vektorini yaxshi tomonga o`zgartirish aynan Prezident Administrasiyasi huzuridagi Axborot va ommaviy kommunikasiyalar agentligining to`g`ridan to`g`ri vazifalariga kiradi, deya AOKAga vazifalaridan birini eslatib qo`ydi.
