Viloyat hokimi vazifasini bajaruvchi Z.Mirzaev Chiroqchi tumani, xususan, "Chiyal" jamoa xo`jaligida joylashgan mashhur jahon bozorida bo`ldi.
- Mazasi og`izda qolar yaxna go`shti bor mashhur bozor bu ko`rinishda bo`lishi biz mas`ullar uchun uyat, - dedi viloyat hokimi. - Qadimdan, ota-bobolarimizdan qolgan bir naql bor: “Xalqni madaniyatini bilmoqchi bo`lsangiz, o`sha hududning bozori va mozorini borib ko`ring”.
Viloyat hokimi va mas`ullar tomonidan bozor hududi ko`zdan kechirildi, kamchiliklar atroflicha o`rganilib, mahalliy aholi va tadbirkorlarning takliflaridan kelib chiqqan holda tez orada bozorni zamonaviy ko`rinishdagi majmuaga aylantirishga kelishib olindi.
Shuningdek, Z.Mirzaev "G`ururim” dehqon oziq-ovqat bozorida o`tkazgan sayyor qabuli davomida Chuvulloq mahallasida istiqomat qiluvchi fuqaro uning ijtimoiy himoyaga muhtoj qo`shnisiga moddiy va ma`naviy yordam berishini so`rab murojaat qildi. Viloyat hokimi tashrifidan so`ng muhtoj oilaga 4 xonali uy qurib beriladigan bo`ldi.
Bundan tashqari, viloyat rahbari Chiroqchi tumanidagi “Chiyal” MFY hududida ish bilan band bo`lmagan yoshlar bilan uchrashdi. Ularning qiziqishlari, egallagan kasbi va imkoniyatlari o`rganilib, bir guruh yoshlar ishli bo`ldi.
