Namangan viloyat hokimligi tashabbusi bilan Noriin tumanida 700 nafar sportchi va ko`ngilli yoshlar ishtirokida “Velomarafon” o`tkazildi.
Tuman bo`ylab keng qamrov kasb etgan velomarafonda tumandagi barcha umumta`lim maktablaridan 235 nafar o`quvchi,shuningdek, 75 nafar o`qituvchilar ham g`oliblik uchun bellashdilar.
Musobaqa yakunida 12-sonli umumta`lim maktabining 7-sinf o`quvchisi Sardor G`ulamov, kattalar o`rtasida 16-umumta`lim maktabining jismoniy tarbiya fani o`qituvchisi Muhammadjon Toshmatov, ayollar o`rtasida 19- umumta`lim maktabining informatika fani o`qituvchisi Manzura Ahmedovalar epchillik, chaqqonlik, tezkorlik borasida hammadan ustun kelib, marra chizig`ini birinchilardan bo`lib bosib o`tib, shohsupadan o`rin egalladilar.
G`oliblarga sovrin sifatida velosipedlar taqdim etildi.
Ezgulikka undayotgan tadbirlar, musobaqalar viloyat bo`ylab davom etmoqda, deya xabar beradi Namangan viloyat xalq ta`limi boshqarmasi Axborot xizmati.
