Bugun O`zbekiston Aloqa va ommaviy kommunikasiyalar agentligida “Oliy ta`lim muassasalarining bosqichma-bosqich o`zini o`zi moliyalashtirishga o`tish istiqbollari” mavzusida soha mutasaddilari va OAV vakillari ishtirokida matbuot anjumani bo`lib o`tdi.
1 YaNVARDAN BOShLAB 10 TA OLIY TA`LIM MUASSASASI O`ZIINI O`ZI MOLIYaLAShTIRADI
O`zbekiston Respublikasi Prezidentining “Oliy va o`rta maxsus ta`lim tizimiga boshqaruvning yangi tamoyillarini joriy etish chora-tadbirlari to`g`risida”gi PQ-4391-son qarori hamda O`zbekiston Respublikasi Vazirlar Maxkamasining “Oliy ta`lim muassasalarini bosqichma-bosqich o`zini o`zi moliyalashtirish tizimiga o`tkazish to`g`risida”gi 967-sonli qarori asosida 2020 yilda 1 yanvardan boshlab yurtimizdagi quyidagi 10 ta oliy ta`lim muassasalari tajriba-sinov tariqasida o`zini o`zi molyalashtirish tizimiga o`tdi:
- Toshkent davlat iqtisodiyot universiteti;
- Toshkent davlat yuridik universiteti;
- Urganch davlat universiteti;
- O`zbekiston davlat jahon tillari universiteti;
- Samarqand davlat chet tillar instituti;
- Samarqand iqtisodiyot va servis instituti;
- Toshkent moliya instituti;
- Toshkent davlat sharqshunoslik instituti ;
- Toshkent farmasevtika instituti;
- Toshkent temir yo`l muhandislari universiteti.
NEGA AYNAN BU OLIY TA`LIM MUASSASALARI TANLAB OLINGAN?
Ushbu savol bilan mutasaddilarga murojaat qilinganda Oliy va o`rta maxsus ta`lim vaziri o`rinbosari Sarvar Buzrukxonov shunday javob berdi:
- Tajriba-sinov tariqasida bu tizimga o`tishda aynan mazkur OTMlarining tanlab olinishi sababi – ular moliyaviy barqaror oliy ta`lim muassasalaridir. Bunda ularning ilmiy-pedagogik salohiyati, moddiy-texnik bazasi imkoniyatlari hisobga olingan.
Mavzu yuzasidan qo`shimcha va qiziq ma`lumotlarni birozdan keyin havola qilamiz...
