Rossiya Federasiyasi norezidentlarining mehnat faoliyati daromadidan olinadigan daromad solig`ini 30 foizdan 13 foizgacha kamaytirish to`g`risidagi qonun loyihasi ishlab chiqildi va tegishli idoralarga kelishish uchun taqdim etildi. Bu haqda Tashqi mehnat migrasiyasi agentligi matbuot kotibi Ortiqxo`ja Norov ma`lum qildi.
Qonun loyihasiga muvofiq, Rossiya Federasiyasi soliq kodeksining 224-moddasiga o`zgartirish kiritish va mehnat faoliyatini amalga oshiryotgan norezidentlardan olinadigan daromad solig`i stavkasini 13 foiz miqdorida belgilash, ya`ni Rossiya fuqarolari uchun o`rnatilgan stavkaga tenglashtirish ko`zda tutilmoqda.
Ushbu qonun loyihasi tasdiqlansa, norezidentlarning mehnat faoliyatidan olinadigan daromad solig`i to`lovchilar toifasidan qat`i nazar, 13 foiz stavkada belgilanadi va yangi tartib 2021 yildan boshlab joriy etiladi
