"Assalomu-alaykum, Xitoydagi vatandoshlarimiz, o`zbekistonlik talabalar! Mening ismim Akmalxon Olimxonov. O`zbekiston respublikasining Xitoy xalq respublikasidagi elchixonasidan murojaat qilyapman. Xitoyda koronovirus epidemiyasi keng tarqalganligi munosabati bilan joriy yilning 15 yanvaridan elchixonamiz qoshida turli mutaxassislardan tashkil topgan shtab tuzilgan.
Oxirgi paytda Xitoy fuqarolaridan ko`ra boshqa mamlakatlar aholisi orasida koronovirus haqidagi vahimalar ko`payib bormoqda. Odamni qo`rquvga soladigan yangiliklar, videolar keng tarqalmoqda. Aksariyat hollarda tekshirilmagan, assossiz ma`lumotlar tarqatilmoqda. Shularni inobatga olgan holda, Xitoyda ayni kundagi vaziyat, ushbu kundagi holat haqida to`xtalib o`tmoqchimiz. Xususan, Pekinda tuzilgan shtab tomonidan nafaqat Uxan shahri, qolaversa, barcha provinsiyadagi talabalar bilanaloqa o`rnatilgan. Xitoyda eng keng tarqalgan ommaviy "Vicha" tarmog`ida "Uxan-2020, O`zbekiston" va "Uxandagi o`zbekistonliklar" , degan guruhlar tuzilgan. Bu guruhlarda o`zbekistonlik talabalarning o`z fikrlarini bayon etish, vaziyatni muhokama qilish imkoniyatlari mavjud. Bundan tashqari, ularga tegishli ko`rsatmalar berib boriladi.
Qolaversa, shtab vakillarining telefon raqamlari berilgan. Ular shaxsiy masalalari bo`lsa, shu raqamlarga qo`ng`iroq qilishyapti, savollariga javob olishyapti. Hammangizning xabaringiz bor, Uxan shahrida karantin joriy etilgan. Shaharga kirish va chiqish taqiqlangan. Aeroport, aerovokzal, vokzallar faoliyati to`xtatilgan. Xitoy hukumati karantin munosabati bilan boshqa davlat elchixonalarining o`z fuqarolarini olib chiqish haqidagi takliflariga rad javobini bermoqda. Chunki karantin yuqumli kasallikning tarqalishini cheklashga qaratilgan chora-tadbirlar majmuidir. Uxan shahrida 12 million aholi yashaydi. Bu degani ularning hammasi kasal yuqtirgan, degani emas. Kuni kecha Xitoy tashqi ishlar vazirligida bo`lib o`tgan brifingda ham vahima va xavotirga o`rin yo`qligi haqida so`z yuritildi. Chunki virusdan ko`ra, uning atrofidagi vahima odamlarga ko`proq tahdid qilayotgani, Xitoy bundan ilgari ham ko`p epidemiyalarni enggani, koronovirus ustidan ham g`alaba qozonishi aytib o`tildi...
Hurmatli, yurtdoshlar! Yodingizda bo`lsin, O`zbekiston hukumati o`z fuqarolarini tashlab qo`ymaydi. Barcha zaruriy tadbirlar amalga oshiriladi. Shu o`rinda yana bir bora ta`kidlab o`tamizki, Uxan va boshqa provinsiyalardagi vatandoshlarimizga qanday ko`mak zarur bo`lsa, ular hech ikkilanmay, shtabga murojaat etishlari mumkin. Vahimaga o`rin yo`q! "
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...