Ushbu fikrga oliy va o`rta maxsus ta`lim vaziri Inom Majidov Tashkent City Congress hall da bo`lib o`tgan bugungi Xalqaro press-klub matbuot anjumanida shunday izoh berdi:
- Reja bo`yicha bu yilgi qamrov darajasi 25 % bo`lib, lekin undan ko`proq natijaga erishsak kerak va bu xolat biroz o`zgarmay turib yana ko`tarilib ketadi. Mustaqillikdan oldin O`zbekiston aholisi hozirgidan qariyb 1,5 barobarga kam bo`lgan. Qolaversa, u paytlarda Toshkent irrigasiya va meliorasiya institutida 17 000 nafar, Toshkent politexnika institutida 50 000 nafar talabalar tahsil olgan bo`lsa, ularning ichida deyarli yarmidan ko`pi sirtqi va kechki ta`limda tahsil olayotganlar bo`lgan. Biz ham sirtqi va kechki ta`limni rivojlantira boshladik. Lekin kechki ta`lim uchun kvota juda kam, 2000 ga yaqin. Sirtqi ta`lim esa ko`proq. Yana endi ko`paytira boshlaymiz.
