Ушбу фикрга олий ва ўрта махсус таълим вазири Ином Мажидов Tashkent City Congress hall да бўлиб ўтган бугунги Халқаро пресс-клуб матбуот анжуманида шундай изоҳ берди:
- Режа бўйича бу йилги қамров даражаси 25 % бўлиб, лекин ундан кўпроқ натижага эришсак керак ва бу холат бироз ўзгармай туриб яна кўтарилиб кетади. Мустақилликдан олдин Ўзбекистон аҳолиси ҳозиргидан қарийб 1,5 баробарга кам бўлган. Қолаверса, у пайтларда Тошкент ирригация ва мелиорация институтида 17 000 нафар, Тошкент политехника институтида 50 000 нафар талабалар таҳсил олган бўлса, уларнинг ичида деярли ярмидан кўпи сиртқи ва кечки таълимда таҳсил олаётганлар бўлган. Биз ҳам сиртқи ва кечки таълимни ривожлантира бошладик. Лекин кечки таълим учун квота жуда кам, 2000 га яқин. Сиртқи таълим эса кўпроқ. Яна энди кўпайтира бошлаймиз.
