O`zbek davlatchiligi tarixida o`zining munosib o`rniga ega, buyuk davlat va siyosat arbobi, mustaqilligimiz asoschisi, O`zbekiston Respublikasining Birinchi Prezidenti Islom Abdug`anievich Karimovning porloq xotirasini yod etish maqsadida, joriy yilning 28 yanvar kuni Favqulodda vaziyatlar vazirligi Akademiyasining “Ma`naviyat va ma`rifat” markazida buyuk davlat va siyosat arbobi Islom Karimov tavallud kuniga bag`ishlangan “Istiqlol me`mori” nomli ma`naviy- ma`rifiy tadbir o`tkazildi.
Tadbirda O`zbekiston Respublikasi Prezidenti huzuridagi O`zbekiston Respublikasi Birinchi Prezidenti Islom Karimov nomidagi ilmiy-ma`rifiy memorial majmua bosh ilmiy xodimi, tarix fanlari nomzodi, dosent Raxmatullaev Shavkat Muhammadalievich, Toshkent davlat sharqshunoslik instituti professori, siyosatshunoslik fanlari doktori Jumaev Rustam Ziyadovich hamda Favqulodda vaziyatlar vazirligi Akademiyasi professor-o`qituvchilari va kursantlari ishtirok etdi.
Tadbirda so`zga chiqqan notiqlar tomonidan, mustaqil O`zbekistonning Birinchi Prezidenti, istiqlol me`mori Islom Abdug`anievich Karimov zamonamizning ulug` siyosatchisi, Vatanimiz ravnaqi, yurtimiz tinchligi, xalqimiz farovonligiga ulkan hissa qo`shgan shaxs sifatida xalqimiz qalbida, yurtimiz tarixida mangu saqlanib qolishini, muhtaram Prezidentimiz Shavkat Mirziyoev ta`biri bilan aytganda, “Vaqt va hayotning o`zi Islom Karimovning uzoqni ko`radigan va strategik fikr yuritadigan shaxs, dunyoda va turli mintaqalarda yuz berayotgan o`ta murakkab voqea-hodisalarning mohiyatini davlatchilik nuqtai nazaridan ko`ra bilish qobiliyatiga ega bo`lgan, o`z yurti va xalqi uchun, har bir vatandoshimizning taqdiri uchun ulkan mas`uliyat tuyg`usini chuqur his qiladigan atoqli rahbar ekanini har tomonlama tasdiqlangani” borasidagi fikr-mulohazalar bildirildi.
Shu bilan birga mamlakatimizning Birinchi Prezidenti Islom Karimovning serqirra faoliyati, O`zbekiston Respublikasini mustaqil va demokratik davlatga aylantirishdagi buyuk tarixiy xizmatlari, mamlakatimizda ta`lim, fan va madaniyatni rivojlantirishda amalga oshirgan beqiyos ishlari samaralariga bag`ishlangan ma`ruzalar tinglandi. Ularda buyuk davlat arbobi rahnamoligida mamlakatimizda ta`lim tizimi tubdan isloh etilib, ertangi kunimizning munosib davomchilari bo`lgan barkamol avlodni voyaga etkazishga alohida e`tibor qaratilgani ta`kidlab o`tildi.
Shuningdek, tadbir davomida buyuk davlat va siyosat arbobi Islom Abdug`anievich Karimovning hayot-ijodlari hamda bosib o`tgan ilm-ma`rifat yo`llari haqidagi videorolik tadbir qatnashchilariga namoyish etildi.
Tadbir so`ngida taklif etilgan ma`ruzachilarga buyuk davlat va siyosat arbobi, mustaqilligimiz asoschisi, O`zbekiston Respublikasining Birinchi prezidenti Islom Abdug`anievich Karimovning hayoti va ijod yo`llarini o`zlarining sermazmun ma`ruzalari bilan qatnashganliklari uchun Akademiya rahbariyatining tashakkurnomalari topshirildi.
Ushbu tadbir ishtirokchilarning qalbida yana bir bor iliq taassurotlar qoldirgani bilan ahamiyatlidir.
O`zbekiston Respublikasi
Favqulodda vaziyatlar vazirligi
Akademiyasi Matbuot xizmati
