O`zbekiston Respublikasi Prezidentining farmoni bilan Behzod Saylixonovich Hamraev O`zbekiston Respublikasi Markaziy banki Raisining o`rinbosari etib tayinlandi.
Uning zimmasiga pul-kredit siyosati, monetar operasiyalar, statistika va tadqiqotlar yo`nalishlarini nazorat qilish yuklatilgan.
Shu kungacha u Markaziy bankning Pul-kredit siyosati departamenti direktori lavozimida ishlab kelayotgandi.
B.Hamraev 1983 yil Buxoro viloyatida tug`ilgan. 2006 yili Toshkent Davlat iqtisodiyot universiteti magistraturasini, 2016 yili Yaponiyaning siyosiy fanlar milliy institutini tamomlagan. Ekonometrika va statistika magistri darajasiga ega.
Mehnat faoliyatini O`zbekiston Respublikasi Iqtisodiyot vazirligida boshlagan. 2008 yildan buyon Markaziy bank tizimida faoliyat ko`rsatib kelmoqda.
